Uniun

Grazia a l'iniziativa d'ina gruppa d'idealists sa sviluppa a l'entschatta dals onns otganta a Cavaglia in interess serius per ils mulins da glatscher. 

L'idea da quella è d'allontanar la glera per far vegnir a la glisch questas bellezza «sculpturas da la natira».

Il pli grond defensur da questa iniziativa è senza dubi Giovanni Lardelli, gia en giuvens onns enconuschider ed admiratur dals Moti da Cavagliola. L'onn 1993 skizzescha el las finamiras futuras da l'intervenziun e vegn sustegnì dad Aldo Fanconi, Gianni Zanoli e Romeo Lardi.

Il 1995 creescha l'uniun cun sustegn da la vischnanca da Poschiavo e da l'Ente Turistico Valposchiavo ina gruppa da lavur consistenta da Romeo Lardi, Hans Jörg Bannwart, Aldo Fanconi, Agnese Iseppi, Giovanni Lardelli, Gianni Zanoli. L'idea è da fundar in'uniun che permetta da render visiblas las bellezza ovras artisticas natiralas dals Moti da Cavagliola e da survegnir ils meds finanzials necessaris. 

Fundà l'uniun ils 6 da november 1998 

L'uniun viva da contribuziuns da commembranza e dal sustegn finanzial da differentas instituziuns. Ils commembers da suprastanza lavuran en uffizi d'onur e damai gratuitamain. 

Il 1999 prepara l'uniun las infrastructuras necessarias per las intervenziuns en ils mulins da glatscher e sin la senda al punct panoramic. Il 2000 cumenzan las lavurs ed ils onns suandants èn marcads d'ina activitad euforica e da grond success, era grazia a la contribuziun da numerusas gruppas da voluntarias e voluntaris. 

Il resultat è in Curtin da glatschers d'ina bellezza unica che fascinescha las visitadras ed ils visitaders cun sias sculpturas magnificas: in lieu natiral cun ina tempra bunamain mitica.