Grummo, il gigant bunatsch

Grummo è ina figura simpatica dal mund fantastic dals mitus e da las legendas dal Puschlav. Il gigant bunatsch viva en il Curtin da glatschers da Cavaglia e zuppa là er il misteri da sias forzas surnatiralas. 

Per uffants da 5 fin 12 onns avain nus publitgà in pitschen cudesch da maletgs cun l'istorgia da Grummo. Vi da tut las tavlas infurmativas en il Curtin da glatschers hai matrizas, cun las qualas ils uffants pon far buls en lur cudeschet. Mo uschia pon els numnadamain scuvrir il misteri da las forzas immensas da Grummo.   

Cura ch'ils uffants han visità tut las staziuns, pon els mussar il cudeschet cun la soluziun a l'infurmaziun turistica a Poschiavo, nua ch'els survegnan in pitschen regal da surpraisa. 

Ma quai n'è anc betg tut! Tgi che ha scuvert il misteri da Grummo po ir sin la senda dal Glatscher dal Morteratsch e suandar là ils fastizs da Sabi, il pitschen spiert. En il cudesch da maletgs «Sabis grosser Traum» raquinta el da ses grond siemi. 

Cura ch'ils uffants han schlià las duas engiavineras, survegnan els da l'infurmaziun turistica da Poschiavo la distincziun «aventurier dals Bernina Glaciers».