En il Curtin da glatschers da Cavaglia cun sia vegetaziun alpina tipica ed ina ritga flora chatt'ins mulins da glatscher fascinants. 

Ils mulins da glatscher èn ovras miraculusas da la natira. Quellas èn sa furmadas durant ina glazialisaziun da plirs tschientaners. Ina visita è in eveniment unic e nunemblidaivel.

Il Curtin da glatschers da Cavaglia sa chatta en la Valposchiavo ed è cuntanschibel bain cun la Viafier retica (Patrimoni mundial da l'UNESCO). La staziun da Cavaglia n'è betg lunsch davent. 

Dapi il fanadur 2021 porscha ina senda nova tras la chavorgia la pussaivladad da scuvrir ulteriurs mulins da glatscher e furmas erosivas bizaras.