Tschert è che la configuraziun dal terren ed ils mulins èn sa furmads sin fundament dal clima ed en consequenza da la glazialisaziun. Quai demussan studis multifars, dals quals èn resultads diversas teorias ed ipotesas. 

Nus avain tschernì duas funtaunas per preschentar intginas basas schematicas da la genesa geomorfologica:

• «Ricerche sulla morfologia glaciale e geomorfogenese nella regione fra il Gruppo del Bernina e la Valle dell'Adda, con particolare riguardo alla Valle di Poschiavo» da prof. Aldo Godenzi, lavur da diplom publitgada il 1957;
  
  
• «Le forme del modellamento glaciale con approfondamenti sulle marmitte dei giganti» da prof. dr. Luca Bonardi, docent a l'Universitad da Milano, referat tegnì ils 12 da zercladur 2004 a Poschiavo suenter sia visita dal Curtin da glatschers da Cavaglia.