Excursiuns e sendas

La Valposchiavo sulegliva sa chatta en il sid da las Alps Grischunas. Dals glatschers dal Bernina fin las vignas da la Valtellina èsi mo 25 km.

La Valposchiavo è in territori da viandar unic grazia a sia topografia multifara e sia spessa rait da sendas bain marcadas.

L'aua dals dutgs è clera, l'aria schubra e la natira autentica plain guauds e lais. Il clima dal matg fin l'october è miaivel. In eveniment particular è in viadi cun il «Bernina Express» da la Viafier retica che porscha ina bella vista sin il Piz Bernina ed il Glatscher dal Palü. La cuntrada permetta da far bellezza spassegiadas tras la natira sin sendas da viandar per tut ils gusts e da differents grads da difficultad.