La traversada da las Alps la pli spectaculara: il Bernina Express collia Cuira cun la Valposchiavo e Tirano.

Dapi il 2008 fa la lingia da l'Alvra e dal Bernina da la Viafier retica part dal Patrimoni mundial da l'UNESCO. In'architectura da viafier spectaculara, chavorgias profundas, glatschers imposants ed in clima mediterran: in traject extraordinari grazia a l'integraziun armonica da la lingia da viafier en la cuntrada. La lingia da la Viafier retica en la cuntrada da l'Alvra e dal Bernina è cun tutta garanzia la pli bella colliaziun tranter sid e nord, la pli bella moda da scuvrir las Alps.