Da la staziun da Cavaglia (1693 m s.m.) cuntansch'ins en circa 10 minutas la sava glaziala dals Moti da Cavagliola cun ils mulins da glatscher. La senda circulara è empernaivla da chaminar e bain marcada. Entant ch'ins ascenda vers las «avnauns dals gigants», pon ins admirar in bloc erratic extraordinari, ina perditga impressiunanta dal glatscher. Suenter l'emprima gruppa da mulins da glatscher maina la via ad in punct panoramic spectacular cun ina vista magnifica sin la Valposchiavo e las muntognas enturn enturn.

La chavorgia da Cavaglia a la fin sidost da la planira da Cavaglia è caracterisada da furmas da grip erosivas bizaras. 

A partir dal fanadur 2021 maina ina senda nova tras la chavorgia tar las taunas-turnigl, las avnauns giganticas ed ils grips surpendents impressiunants. La senda da 180 meters lunghezza è vegnida realisada da l'enconuschent construider da punts Jürg Conzett e cumenza sur la chavorgia. Ella cuntinuescha sut la punt da la viafier e maina sur ina punt nova. Sur stgalas e piogns spassegian las visitadras ed ils visitaders tras la chavorgia che porscha adina puspè vistas impressiunantas sin las avnauns e las surpendenzas dals grips. Davent da la punt a Puntalta cuntinuescha la via sur ina planira cuverta cun guaud. Sur ina stgala cuntansch'ins cumadaivlamain puspè il punct da partenza da la curta spassegiada. 

Avert dal 1. da matg fin ils 31 d'october 

Il Giardino dei Ghiacciai di Cavaglia è in lieu d'inscunter attractiv per las abitantas ed ils abitants da la val, per persunas da la cultura e per las scolas. Ins pudess prest dir: in punct magnetic! 
L'entrada è libra, donaziuns èn bainvegnidas.

Visitas guidadas

• Durada d'ina visita guidada: 90-120 minutas
• Mintga di tenor cunvegna en tudestg, talian, franzos, englais e spagnol
• Il pretsch è CHF 10 per persuna, l'import al minimum per dumandar üna visita da gruppa è CHF 120.
• Mardi, gievgia, sonda, dumengia: senza cunvegna
• Lieu d'inscunter: staziun da la viafier a Cavaglia, a las 14.00