La cuntrada natirala e culturala dal Puschlav s'extenda sur mo 25 kilometers, dals glatschers imposants da la gruppa dal Bernina fin las vignas da la Valtellina vischina. Ella porscha in'immensa varietad da bellezzas natiralas, ma era centers da vitgs istorics cun chasas signurilas e baselgias magnificas. 

La chapitala da la regiun da vacanzas populara Valposchiavo è il vitg da Poschiavo: sia bellezza piazza, circumdada da chasas patrizianas imposantas, derasa bler flair talian. 

La natira intacta dal Puschlav e da sias vals lateralas, tranter auter il territori natiral protegì Val da Camp cun ses lais da muntogna idillics – sco il juvel Lagh da Saoseo blau-cobalt –, sa lascha scuvrir il meglier a pe. A Cavaglia pudais Vus admirar las «avnauns dal gigants», restanzas unicas da l'ultim temp da glatsch.